Shivrajyabhishek Sohala | शिवराज्याभिषेक सोहळा २०२६ : राज्यव्यापी बैठकीचे पुण्यात आयोजन
NewsZenn
May 16, 2026
51
0
पुणे : अखिल भारतीय शिवराज्याभिषेक महोत्सव समिती, दुर्गराज रायगड यांच्या वतीने आणि युवराज संभाजी छत्रपती महाराज यांच्या मार्गदर्शनाखाली दुर्गराज रायगड येथे होणाऱ्या भव्य शिवराज्याभिषेक सोहळ्याच्या पार्श्वभूमीवर राज्यव्यापी बैठकीचे आयोजन करण्यात आले आहे.
ही बैठक रविवार, दि. १७ मे २०२६ रोजी सायंकाळी ५:०० वाजता ऑल इंडिया श्री शिवाजी मेमोरिअल सोसायटी, शिवाजीनगर, पुणे येथे पार पडणार आहे.
बैठकीत आगामी शिवराज्याभिषेक सोहळ्याचे नियोजन, विविध विभागांची जबाबदारी तसेच राज्यभरातून येणाऱ्या शिवभक्तांच्या सहभागाबाबत चर्चा होणार आहे. यासाठी राज्यभरातील शिवभक्त, पदाधिकारी आणि कार्यकर्त्यांनी मोठ्या संख्येने उपस्थित राहावे, असे आवाहन समितीच्या वतीने करण्यात आले आहे.
दरवर्षीप्रमाणे यंदाही दि. ६ जून रोजी दुर्गराज रायगडावर शिवराज्याभिषेक सोहळा मोठ्या उत्साहात आणि पारंपरिक वातावरणात साजरा केला जाणार आहे.
Comments (0)
Facebook Comments (0)